Agar meri zindagi par ek kitab chapi hoti, to uske har Palate panno par, bold letters me tumhara Zikra zaroor hota, tum meri zindagi me shamil  ek pal, ek dost, ek kahani Mehaz nahi Ho, tum to meri zindagi ka Vo eham Ehasaas Ho jisko me kabhi Puri tarah Bayan nahi kar Sakti.
' mai sath Hu ,humesha'  mehaz tumhare alfaz nahi the,balki har ek Guzarte lamhe inke gavaah h. Zindagi shayad or khoobsurat hoti ya nahi ,par tumhare bina shayad kabhi Puri na hopaati.
Abhi anubhav nahi h jayada, tumhare sath abhi sirf kuch hi pal to guzare h, par  najane kitna kuch h batane ko, kehne ko, maano kabhi rukna hi nahi chahti Hu .
BAs phone pe baate hoti h , milo door Ho mujhe tum, yaad h mujhe Maine hi bheja tha . Yoon to kitni dafe  bol Dia hoga Ki Fark nahi padhta h Dooriyun ka, par kahi na kahi khud bhi jaanti Hu, Ki tum yaad to bahut aate Ho ,aao bhi kyu na ,bashkeemti Ho mere liye tum.
Bahut Baar  Hua h  jab raate needo se kafa hojaaya karti, kayi baar rasto ko bhi nahi pata rehta K manzil Kab peeche Choot gayi or hum aage bad Gaye, ya shayad hum chahte hi nahi manzil tak pahuchna, bas chalna chahte h ,rukna gawara kaha.
Par un bemanzil umeendo par bhi sath chahiye tumhara.
Filmy lagti h na baate meri, par Mai to ye maanti Hu Ki filmo Ki kahani to humari baato se  hi nikalti h na, or baate dil se, or dil to tabhi bolega jab usme koi tum jaisa hoga, khair  chodo, tum to mujhe Roz hi milte  Ho, kabhi uss subah me Jo dhalna hi nahi jaanti, to kabhi un haseen shamo me Jo kabhi guzarna hi na chaahti Ho, un raasto me Jo manzilo Ki taraf badhte to h par uske liye rukte nahi.
Tum mere liye har us Wakat me base Ho, jinko Mai kabhi khud se jhod paati Hu, kyuki jaha Mai hu vaha tum na Ho, aisa Ho hi nahi sakta.
Meri zindagi k Panno me shayad utni jagah na bachhi Ho , par tumse Juda har ehsaas ,na to zindagi or naa hi paano me bachi jagah ka mauhtaaz h , vo to bas meri harkato me jhalkta h , jinko sirf tum samjhte ho .